ഇതാ ഒരു കൊച്ചു കവി
ഭാവിയില്‍ കവിതാ ലൊകത്ത് സ്ഥാനം പിടിക്കേണ്ട ഒരു കൊച്ചു കവിയെ അഭിമാനപൂര്‍വം അവതരിപ്പിക്കുന്നു.മാസ്റ്റര്‍ അശ്വിന്‍.എന്‍.വി. നമ്മുടെ സ്കൂളിലെ ആറാം ക്ലാസ് വിദ്യാര്‍ദ്ധിയാണ് അശ്വിന്‍.നാലാം ക്ലാസ്സ് മുതല്‍ അശ്വിന്‍ കവിത എഴുതി തുടങ്ങി.ഇരുപതൊളം കവിതകള്‍ ഇതുവരെ എഴുതി.പ്രഭാത സൂര്യന്റെ കതിരൊളി പൊലെ അശ്വിന്റെ കവിതകളില്‍ സര്‍ഗ്ഗദേവതയുടെ വാഗ്വിലാസം ഒളിമിന്നുന്നതു കാണാം.ഈ കാവ്യസൂര്യന്‍ മലയാള കാവ്യനഭസ്സില്‍ ഉദിച്ചുയരട്ടെ!
മട്ടാഞ്ചേരില്‍ ,റെയില്‍ വെ ക്വാര്‍ട്ടേഴ്സില്‍ താമസിക്കുന്ന ശ്രീ ഭാസ്കരന്റെയും, ശ്രീമതി ഭാമയുടേയും മകനാണ് അശ്വിന്‍.
അശ്വിന്‍ രചിച്ച രണ്ടു കവിതകള്‍ പ്രസിദ്ധീകരിക്കുന്നു. വായിക്കുക .പ്രൊത്സാഹിപ്പിക്കുക!
കവിത ഒന്ന്
തളിരിടുന്ന ഓര്‍മ്മകള്‍
എരിയുന്ന ജീവിത പാളികളില്‍,കരയുന്നു ഭൂമിയൊ നിശ്ചലയായ് .
ഈട്ടിയും, തേക്കും , ഗണിയുമെല്ലാം
കേരളീയന്റെ ഓര്‍മ്മ മാത്രം !
മണ്ണും , മരവും ,പരിസ്ഥിതിയും
എന്നും നശിക്കുന്ന കാലമിന്ന്
പാടങ്ങളും ,ക്രുഷി ഭൂമികളും
വെട്ടി നശിപ്പിച്ചു കൊട്ട കെട്ടി.
കാടും,കടലും , പരിസ്ഥിതിയും
കഠിനമായ് ആഞ്ഞാല്‍ തിരിച്ചെടുക്കാം.
മണ്ണിന്‍ വിയര്‍പ്പ് നുണഞ്ഞൊരെ,
മണ്ണില്‍ പണിയെടുക്കുന്നൊരെ,
ഒരു മരം നമ്മുടെ വീട്ടില്‍ വേണം
ഒരുമയായ് നമ്മള്‍ വളര്‍ത്തിടേണം.
കവിത രണ്ട്
ചന്ദ്രന്‍
മാനത്ത് കാണുന്ന വര്‍ണ്ണ പൊലിമകള്‍
എങ്ങിനെ വര്‍ണിക്കാം കൂട്ടുകരെ,
വെള്ള വിതാനിച്ച ചേലയില്‍ -
മുത്തുകള്‍ കാണാം നമുക്കീ കൂരിരുട്ടില്‍.
പവിഴത്തിളക്കവും,വെള്ള വെളിച്ചവും
നൊക്കി ഇരിക്കാം നമുക്കീ ഇരുട്ടില്‍.
കാണാം നമുക്കൊരു മാന്ത്രിക മാമനെ
ചന്ദിരനെന്നൊരു പേരുമായി.
ഞാനങ്ങൊട്ടൊടുമ്മ്ബൊള്‍ അവിടെയും കാണാം-
ഞാനിങ്ങൊട്ടൊടുംബൊള്‍ ഇവിടെയും കാണാം,
എന്തൊരു മായാവി യാണീ ചന്ദിരന്‍!
കൂരിരുട്ടില്‍ നിന്നു രക്ഷക്കായി
പാതി മറഞ്ഞും ,ഒളിഞ്ഞും , തെളിഞ്ഞും
ഒട്ടു കുസ്രിതികള്‍ കാട്ടുന്നുണ്ട് .
അമ്മയാം ആകാശ ഗംഗയില്‍ നിറയുന്ന
മുത്തുകള്‍ക്കധിപയായ് ചന്ദിരാ നീ-
നിന്നുടെ ഉള്ളിലെ കാര്യം ഗ്രഹിക്കുവാന്‍
ഐ.എസ്. ആര്‍. ഒ. പിറകെ ഉണ്ട് .
No comments:
Post a Comment