മട്ടാഞ്ചേരി ഉപജില്ലാ കായികമേള എസ്.ഡി.പി.വൈ.ബി.എച്ച്.എസ്.എസ്. റണ്ണര്‍ അപ്പ്.

വ്യക്തിഗത ചാമ്പ്യന്‍മാര്‍

എസ്.ഡി.പി.വൈ.ബി.എച്ച്.എസ്.എസ്. റണ്ണര്‍ അപ്പ്.

ഹൈസ്ക്കൂള്‍ കായിക താരങ്ങള്‍

എസ്.ഡി.പി.വൈ.ബി.എച്ച്.എസ്.എസ്.ടീം ട്രോഫിയുമായി

ന്യൂക്ളിയര്‍ ബോംബിനേക്കാള്‍ അപകടം പുകയില

ജസ്റ്റീസ് നാരായണക്കുറുപ്പ്

ന്യൂക്ളിയര്‍ ബോംബിനേക്കാളും ,എയ്ഡ്സിനേക്കാളും അപകടം പുകയിലയാണെന്ന് ജസ്റ്റീസ് നാരായണക്കുറുപ്പ് അഭിപ്രായപ്പെട്ടു.പള്ളുരുത്തി എസ്.ഡി.പി.വൈ.സ്കുളുകള്‍ സംയുക്തമായി സംഘടിപ്പിച്ച പുകയില വിരുദ്ധ ക്യാംപെയിന്‍ ഉദ്ഘാടനം ചെയ്യുകയായിരുന്നു അദ്ദേഹം.ഏഴായിരത്തോളം വിദ്യാര്‍ത്ഥികള്‍ പങ്കെടുത്ത ചടങ്ങില്‍ വെച്ചാണ് അദ്ദേഹം ഈ ആഹ്വാനം നല്‍കിയത്.

സുനാമിയേക്കാള്‍ ഭീകരമാണ് പുകയില സൃഷ്ടിക്കുന്ന കെടുതികള്‍.പുകയില ജന്യമായ രോഗങ്ങള്‍ മൂലം ഇന്ഡ്യയില്‍ പ്രതി വര്‍ഷം പത്ത് ലക്ഷം ആളുകള്‍ മരിക്കുന്നുണ്ട്. പുകയിലക്കെതിരെ സമൂഹമനസ്സാക്ഷി ഉണരണമെന്ന് അദ്ദേഹം പറഞ്ഞു.

അദ്ധ്യാപക ദിനം

അദ്ധ്യാപക ദിനം വിവിധ പരിപാടികളോടെ ആഘോഷിച്ചു. വിദ്യാര്‍ത്ഥികള്‍ , അദ്ധ്യാപനം നടത്തി.അദ്ധ്യാപകര്‍ രാവിലത്തെ സ്കൂള്‍ അസംബ്ളി കുട്ടികള്‍ക്ക് മാതൃകയാകത്തക്ക വിധം അവതരിപ്പിച്ചു കാണിച്ചു കൊടുത്തു. പ്രാര്‍ത്ഥനയും , പ്രതിഞ്ജയും , വാര്‍ത്താ അവതരണവും അദ്ധ്യാപകര്‍ നടത്തി.

ഹെഡ് മാസ്റ്റര്‍ ശ്രീ സതീശന്‍ മാസ്റ്റര്‍ക്ക് റോസാപുഷ്പ്പം നല്‍കി വിദ്യാര്‍ത്ഥികള്‍ ആദരിച്ചു. എല്ലാ ക്ളാസ്സുകളിലും അദ്ധ്യാപരെ ആദരിക്കുന്ന ചടങ്ങ് നടന്നു.

വൈകീട്ട് നടന്ന സമാപന സമ്മേളനത്തില്‍ മികച്ച നിലയില്‍ ക്ളാസ്സെടുത്ത വിദ്യാര്‍ത്ഥികള്‍ക്ക് സമ്മാനങ്ങള്‍ നല്‍കി.

ആദരാഞ്ജലികള്‍ 

എസ്.ഡി.പി.വൈ.സ്ക്കൂള്‍ മാനേജര്‍ ശ്രീ അയ്യപ്പന്‍ മാസ്റ്റര്‍ അന്തരിച്ചു.അദ്ദേഹത്തിന്റെ ആകസ്മികമായ വേര്‍പാടില്‍ ഞങ്ങള്‍ അഗാധമായ ദു:ഖം രേഖപ്പെടുത്തുന്നു

കവിത

നമ്മുടെ വിദ്യാലയത്തിലെ 8 B യിലെ അശ്വിന്‍. എന്‍. വി. ഇതിനകം അമ്പതിലേറെ കവിതകള്‍ എഴുതിയിട്ടുണ്ട് . കാവ്യഗുണവും , നല്ല ഭാഷാശുദ്ധിയും വരദാനമായി ലഭിച്ചിട്ടുള്ള അശ്വിന്‍ അര്‍ഹമായ പരിഗണനയും , പ്രോല്‍സാഹനവും ലഭിച്ചാല്‍ കാവ്യലോകത്തിന് മുതല്‍ക്കൂട്ടായി തീരും.

മധുരം മലയാളം

അശ്വിന്‍ . എന്‍. വി

VIII B

മലയാളമാണെന്റെ മാതൃഭാഷ,

മാധുരി തൂകുന്നു വാല്‍സല്യമായ്,

മണ്ണില്‍ വിതച്ചതും വിണ്ണിലായ് കൊയ്തതും,

എത്ര മനോജ്ഞമിതെന്റെ ഭാഷ .

മാമല നാടിന്റെ നെറുകയിലായ് തൊട്ട

സിന്ദൂരമാണെന്റെ മലയാളം.

മലയാളനാട്ടിലോ ഭ്രുഷ്ട് കല്‍പ്പിച്ചിതാ,

നിന്‍ പൈതങ്ങളാകുന്നു ഞങ്ങള്‍.

മൊട്ടയടിപ്പിച്ചു തല്ലിച്ചതച്ചിതാ നിന്‍,

മലയാളമോതുന്ന പൈതങ്ങളെ.

എവിടുന്നു വന്നു നീ എവിടെക്കോ പോണു നീ,

ആര്‍ക്കുമറിയില്ല നിന്റെ മേന്മ.

പെറ്റമ്മയെ തള്ളി പോറ്റമ്മയെ വാഴ്ത്തി

തറ്റുടുപ്പിച്ചിട്ടു കേരളത്തെ,

മലയാളമേ നീ മരിക്കില്ലൊരിക്കലും,

മാനവനുള്ളിടത്തോളമത്രെ !

ആഢ്യത്തരങ്ങളോ ആറ്റില്‍ കളഞ്ഞു പോയ് ,

മൗഢ്യയായ് നീയിന്നു പൊരുതുന്നുവോ ?

ആര്‍ക്കുമേ വേണ്ടാത്ത ആരാധ്യ നിന്നെ ഞാന്‍

എന്നും നമിക്കുന്നു പുണ്യശീലേ !

ഇനിയുമെന്നാത്മാവിനൊരു ജന്മമുണ്ടെന്കില്‍

പൊലിയട്ടെ നിന്നിലായെന്റെ തായേ .

യാത്രയയപ്പ്

ഇരുപത്തിയാറ് വര്‍ഷത്തെ സേവനത്തിനു ശേഷം സീനിയര്‍ ക്ളര്‍ക്ക് ശ്രീ വി എ പൊന്നപ്പന്‍

31/07/2012 ന് വിരമിക്കുകയാണ്. സഹ പ്രവര്‍ത്തകര്‍ അദ്ദേഹത്തിന് സ്നേഹോഷ്മളമായ യാത്രയയപ്പ് നല്‍കി. സെമിനാര്‍ ഹാളില്‍ നടന്ന ചടങ്ങില്‍ ശ്രീ കെ എന്‍ സതീശന്‍ മാസ്ററ ര്‍ അദ്ധ്യക്ഷത വഹിച്ചു

അദ്ധ്യാപകരായ ഗിരിജമ്മ ബി., വി എന്‍ ബാബു, ബിബിന്‍ കുമാര്‍, പ്രിന്‍സ്, പി കെ ഭാസി , ഇന്ദുമോള്‍, അനിതകുമാരി

തുടങ്ങിയവര്‍ ആശംസകള്‍ അര്‍പ്പിച്ചു. റീഷ ടീച്ചര്‍ സ്വാഗതവും, അനുടീച്ചര്‍ നന്ദിയും പറഞ്ഞു

ഗണിത ശാസ്ത്ര ക്ളബ്ബ് ഉദ്ഘാടനം

ശ്രീ സതീശന്‍ മാസ്റ്ററും ഗണിതശാസ്ത്രത്തിന് A+ നേടിയ വിദ്യാര്‍ത്ഥികളും ചേര്‍ന്ന് നിര്‍വഹിക്കുന്നു.

ഗണിതശാസ്ത്രത്തിന് A+ നേടിയ വിദ്യാര്‍ത്ഥികള്‍

സൂരജ് കെ എസ് , റിസ്വാന്‍ ,ഷിനുലാല്‍ എസ് എച്ച് , അദര്‍ശ് ബി എസ് , വിഷ്ണു സുരേഷ് , അബിന്‍ കെ എസ്

എസ് എസ് എല്‍ സി അവാര്‍ഡ് ഫെസ്ററ്

ശ്രീ മേജര്‍ രവി ഉദ്ഘാടനം ചെയ്തു.ശ്രീ എം.എസ് രാജേഷ് കുമാര്‍ ( പി ടി എ പ്രസിഡണ്ട് )

അദ്ധ്യക്ഷത വഹിച്ചു.

ഉന്നത വിജയം നേടിയ വിദ്യാര്‍ത്ഥികള്‍ക്ക് ശ്രീ മേജര്‍ രവി സമ്മാനങ്ങള്‍ വിതരണം ചെയ്തു.

 

വിദ്യാരംഗം  കലാസാഹിത്യ വേദി ഉദ്ഘാടനം

ശ്രീമതി പ്രീത ബാലകൃഷ്ണന്‍ നിര്‍വഹിക്കുന്നു

ജൂണ്‍ 5

പരിസ്ഥിതി ദിനാചരണം

പ്രവേശനോല്‍സവം

ജൂണ്‍ 4 2012

     

                     S.S.L.C.  ചരിത്ര വിജയം

എസ്. ഡി. പി. വൈ.ബോയ്സ് ഹൈസ്കൂള്‍ S.S.L.C  ക്ക് ഉജ്ജ്വല വിജയം കരസ്ഥമാക്കിയിരിക്കുന്നു,
സേ പരീക്ഷ എഴുതിയ 20 പേരും പാസ്സായതോടെ S.S.L.C വിജയം 100 % ആയി ഉയര്‍ന്നു.
ആദ്യ ഫലം വന്നപ്പോള്‍ 94 % ആയിരുന്നത് ഇപ്പോള്‍ നൂറ് തികച്ചിരിക്കുകയാണ് .എസ്. ഡി. പി. വൈ.ബോയ്സ് ഹൈസ്കൂളിന്റെ ചരിത്രത്തിലാദ്യമായാണ് ഈ തിളക്കമാര്‍ന്ന വിജയം കൈവരിച്ചിരിക്കുന്നത് .

Full A+ നേടിയ സൂരജിനും ,  റിസ് വാനും   സ്കൂളിന്റെ       അഭിനന്ദനങ്ങള്‍ !

            S.S.L.C വിജയം 94 ശതമാനം
                           Full A+ രണ്ട് പേര്‍ക്ക്
     സൂരജ്.കെ.എസിനും, റിസ്വാന്‍ .കെ.എന്‍ നും
                   N.C.C.യുടെ ഗ്രേസ് മാര്‍ക്ക് തുണച്ചു
S.S.L.C. ക്ക് ഇത്തവണ തകര്‍പ്പന്‍ വിജയം. വിജയ ശതമാനം 94  ആയി ഉയര്‍ന്നു.പരീക്ഷ എഴുതിയ 309 പേരില്‍ 290 പേര്‍ ഉന്നത പഠന ത്തിന് അര്‍ഹത നേടി.
    N.C.C.യുടെ ഗ്രേസ് മാര്‍ക്ക് കൂടി ചേര്‍ത്ത്കൊണ്ട് റിസല്‍ട്ട് പരിഷ്കരിച്ചപ്പോള്‍ മികച്ച കേഡറ്റായിരുന്ന റിസ്വാന്‍ .കെ.എന്‍ . ഫുള്‍ എ പ്ലുസിന് അര്‍ഹനായി.എന്‍ .സി.സി. കേഡറ്റുകളായ നാലുപേര്‍ കൂടി ജയിച്ചു.സ്കൂളിന്റെ ചരിത്രത്തിലാദ്യമായാണ് വിജയം 90 ശതമാനം കടക്കുന്നത്.
  ഇംഗ്ലീഷ്, ഹിന്ദി, കെമിസ്റ്റ്രി, ബയോളജി, ഐ.ടി. എന്നീ വിഷയങ്ങളില്‍ മുഴുവന്‍ പേരും വിജയിച്ചു. ഗണിതശാസ്ത്രത്തിന് രണ്ടു പേര്‍ മാത്രമാണ് പരാജയപ്പെട്ടത്.

എസ്.ഡി.പി.വൈ. ബോയ്സ് ഹൈസ്കൂളിന്റെ തൊണ്ണൂറ്റിമൂന്നാമത് വാര്‍ഷിക ആഘോഷചടങ്ങുകളുടെ ഉദ്ഘാടനച ടങ്ങുകളുടെ ചിത്രങ്ങള്‍